Header Ads

test

ජෝනිගේ විරෝධයෙන් නිමල්ගේ අගමැති සිහිනය හබක්


ශ්‍රීලනිප ජ්‍යෙෂ්ඨයකු වන අමාත්‍ය නිමල් සිරිපාල ද සිල්වා මහතා අගමැති කර ශ්‍රීලනිප ආණ්ඩුවක් පිහිටුවීමට සහය දෙන්නැයි නියෝජ්‍ය කතානායක තිලංග සුමතිපාල  මහතා ඒකාබද්ධ විපක්ෂයෙන් කල ඉල්ලීමක් හිටපු අමාත්‍ය ජොන්ස්ටන් ප්‍රනාන්දු මහතාගේ දැඩි විරෝධයට හේතුවෙන් බකල් වී ඇත.
දයාසිරි ජයසේකර වැනි ද්‍රෝහීන් සිටින ආණ්ඩුවකට තමා එක්නොවන බව ඒකාබද්ධයේ කුරුණෑගල දිස්ත්‍රීක් ජොන්ස්ටන් ප්‍රනාන්දු මහතා හිටපු ජනාධිපති මහින්ද රාජපක්ෂ මහතාට දැඩි ලෙස අවධාරණය කර සිටීම ඊට හේතුවයි.
දයාසිරි වැනි පුද්ගලයකු නිසා ජොන්ස්ටන් වැනි අයකු අහිමිකර ගැනීමට තමා කිසිඳු ලෙසකින් කටයුතු නොකරන බව මහින්ද රාජපක්ෂ මහතා මෙහිදී ප්‍රකාශ කර ඇත.
අගමැති ධුරය බහුතරය පෙන්වන මන්ත්‍රීවරයකුට !
 මෙසේ ඒකාබද්ධ විපක්ෂයේ සහය ලබාගැනීමට අමාත්‍ය දයාසිරි ජයසේකර මහතා උත්සහ කර ඇත්තේ ජනාධිපතිවරයා දුන් අභියෝගය සිකුරාදාට පෙර සාර්ථක කර ගැනීම සඳහාය.
පාර්ලිමේන්තුවේ බහුතරයකගේ ගෞරවය හා විශ්වාස දිනාගත හැකි මන්ත්‍රීවරයෙක් අග්‍රාමාත්‍ය ධූරයට පත්කර නව රජයක් පිහිටුවන ලෙස ශ්‍රී ලංකා නිදහස් පක්ෂ ජාතික සංවිධායක සුසිල් ප්‍රේමජයත්ත මහතා ජනාධිපතිවරයාගෙන් ඉල්ලීමක් කර තිබේ.
අද (14) පස්වරුවේ එම ඉල්ලීම ලිඛිතව ජනාධිපතිවරයා වෙත යොමු කළ බව ශ්‍රී ලංකා නිදහස් පක්ෂ මාධ්‍ය කමිටු ලේකම් තිලංග සුමතිපාල මහතා ප්‍රකාශ කළේය.
ඒ අනුව, ශ්‍රී ලංකා නිදහස් පක්ෂයේ ජ්‍යෙෂ්ඨ නායකයකු වන නිමල් සිරිපාල ද සිල්වා මහතා වෙත පාර්ලිමේන්තුවේ බහුතර බලයක් ඇති බව පෙන්වීම සඳහා දයාසිරි ජයසේකර, තිලංග සුමතිපාල ඇතුළු ශ්‍රීලනිප මන්ත්‍රී කණ්ඩායමක් මේවනවිට ඒකාබද්ධ විපක්ෂයේ හා සුළු පක්ෂවල සහය ලබාගැනීමට බලවත් උත්සහයක් දරමින් සිටිති.
මේ සඳහා ජනාධිපතිවරයා එම ශ්‍රීලනිප මන්ත්‍රීවරුන්ට ලබාදී ඇති කාලය සිකුරාදා (16) දහවල් 12.00ට අවසන්වේ.

Gotabaya Rathana
ගෝඨාගේ සහය ගන්න රතන හිමි බරටම වැඩ
 මේ අතර ජනාධිපතිවරයා දුන් අභියෝගය ජයගෙන අමාත්‍ය නිමල් සිරිපාල ද සිල්වා මහතා අගමැති කරවීම සඳහා එජාප පාර්ලිමේන්තු මන්ත්‍රී පුජ්‍ය අතුරලියේ රතන හිමියන් ද බලවත් වෙහෙසක් දරමින් සිටින අතර ඊට රාජපක්ෂ පවුලේ සාමාජිකයින්ගේ අනුමැතිය ලබාගැනීම සඳහා උන්වහන්සේ ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතාගේ සහය ලබාගැනීමට ද උත්සහගෙන ඇත.
 ඇතුළෙන්ම විරෝධය :
 කෙසේවුවද ඒකාබද්ධ විපක්ෂයේ මන්ත්‍රීවරුන් සමග ආණ්ඩු පිහිටුවීමට තමන් කිසිඳු ලෙසකින් එක්නොවන බව සන්ධානයේ මහ ලේකම් මහින්ද අමරවීර හා ශ්‍රීලනිප මහ ලේකම් දුමින්ද දිසානායක යන අමාත්‍යවරුන් ජනාධිපතිවරයාගේ මුහුණටම ප්‍රකාශකර තිබේ.
ඒ අද දහවල් පැවති ශ්‍රීලනිප පාර්ලිමේන්තු කණ්ඩායම් රැස්වීමේදීය.
සරත් අමුණුගම, මහින්ද සමරසිංහ, විජිතමුණි සොයිසා, ෆයිසර් මුස්තාපා යන අමාත්‍යවරු ද එම අදහස අනුමත කරමින් අදහස් දක්වා ඇත.
රනිල් වික්‍රමසිංහ මහතා අගමැති ධුරය දරන ආණ්ඩුවකට තමන් එක නොවන බව අමාත්‍ය සුසිල් ප්‍රේම්ජයන්ත මහතා මෙහිදී අවධාරණය කර ඇති අතර මහින්ද රාජපක්ෂ මහතාගේ සහයෝගයෙන් ආණ්ඩුවක් පිහිටුවීමට අවශ්‍ය පාර්ලිමේන්තු බලය පෙන්වීමට අවස්ථාවක් දෙන්නැයි නියෝජ්‍ය කතානායක තිලංග සුමතිපාල මහතා ජනාධිපතිවරයා ගෙන් ඉල්ලීමක් කර ඇත්තේ මේ අවස්ථාවේදීය.
පාර්ලිමේන්තුවේ බහුතර විශ්වාසය ඇත්තේ අගමැති රනිල් වික්‍රමසිංහ මහතාට බව එජාපය මේවනවිටත් ජනාධිපතිවරයාට නිල වශයෙන් දැනුම් දී ඇතැයි වාර්තාවේ.

38,157 Viewers

No comments